Moglegheiter og arbeidsstader i politiet
Som ferdig utdanna polititenestemann eller -kvinne finst det ei rekkje karrierevegar du kan følgje.
Vil du jobbe med kriminalitetsførebygging i Trondheim, drive etterforsking i Grenland eller vere hundeførar i Tromsø? Eller freistar det kan hende meir å jobbe som lensmannsbetjent i Florø, vere reinpoliti i Kautokeino eller drive trafikkovervaking i UP?
Mange driftseiningar (lensmannskontor) treng generalistar som kan jobbe med førebygging, ordensteneste, etterforsking og sivile gjeremål. I tillegg er det moglegheiter for spesialisering innanfor ulike arbeidsfelt rundt om i politidistrikta.
Politiet har òg særorgan som Politiets sikkerheitsteneste, Politiets data- og materiellteneste, Kripos, Utrykkingspolitiet, Politiets utlendingseining og Økokrim. Her er det moglegheiter for ytterlegare spesialisering. I Oslo finn du òg hamnepolitiet, ryttarkorpset, eskorte- og livvakttenesta og beredskapstroppen. Det kan dessutan vere karrieremoglegheiter i Politidirektoratet og i Justis- og politidepartementet.
Sist oppdatert:
13.04.2012