Økokrim
Økokrim er ei sentral, landsdekkjande eining som skal kjempe mot økonomisk kriminalitet og miljøkriminalitet. Økokrim er både eit statsadvokatembete med nasjonal mynde og eit sentralt politiorgan. Som statsadvokatembete avgjer Økokrim om det skal reisast tiltale i straffesaker og fører sakene for retten. Som politiorgan etterforskar Økokrim eigne straffesaker og støtter politidistrikta i etterforskingsarbeid.
Økokrim sine team består som oftast av personar med juridisk, økonomisk og politifagleg bakgrunn. For å kunne jobbe som politietterforskar i Økokrim, må du ha 3–5 års erfaring i politiet i tillegg til utdanning frå Politihøgskulen. Du må ha jobba med etterforsking, helst økonomisk, i minst tre år. Vi tilrår òg at du har utdanning med 60 studiepoeng innanfor eit relevant område.
Sist oppdatert:
21.04.2009