Om PHS
"Politihøgskolen – kunnskap for et tryggere samfunn"
Politihøgskolen er den sentrale utdanningsinstitusjonen for politi- og lensmannsetaten, med eit eige styre som øvste organ.
Politihøgskolen høyrer inn under Politidirektoratet og har til oppgåve å gi grunnutdanning for teneste i politi- og lensmannsetaten og etter- og vidareutdanning til dei tilsette i etaten.
Politihøgskolen driv forskings- og utviklingsarbeid og fagleg formidling innanfor fagområda sine.
Målet for Politihøgskolen er å utdanne sjølvstendige og reflekterte polititenestemenn og kvinner, og som politi er det naudsynt å ha eit medvite forhold til eigne haldningar og til eigne val i det daglege arbeidet.
Politihøgskolen har fire studiestader. Politihøgskolen i Oslo ligg i Slemdalsveien 5 på Majorstua, og Politihøgskolen, avdeling Bodø, er plassert om lag 8 km frå Bodø sentrum. I tillegg er det no studentar på Politihøgskolen sine to kurs- og øvingssenter på Kongsvinger og i Stavern.
Sist oppdatert:
07.05.2012